![asdasd asdasd](/myndir/gagnasafn/2024/07/25/a2327f3d-7502-4467-a081-0b1032cd984f.jpg)
Streymisveitan Apple Music Classical hefur birt lista yfir 100 vinsælustu klassísku plötur heims. Um er að ræða þær hundrað klassísku plötur sem mest er hlustað á samkvæmt þeim tónlistarþjónustum sem Apple fyrirtækið heldur úti í 165 ríkjum heims, þ.e. streymisveitunum Apple Music Classical og Apple Music, tónlistarversluninni iTunes og tónlistarþekkingarsmáforritinu Shazam.
Á listanum eru eðli máls samkvæmt öll stærstu nöfn nútímans í klassískum tónlistarflutningi. Sérstaka athygli vekur að Víkingur Heiðar Ólafsson píanóleikari á ekki einungis eina plötu á listanum heldur samtals fjórar sem hann hefur gefið út hjá Deutsche Grammophon á umliðnum árum. Í 19. sæti plata hans með Goldberg-tilbrigðum Bachs sem út kom 2023; í 61. sæti er fyrri Bach-plata Víkings sem út kom 2018 og hlaut verðlaun tímaritsins BBC Music Magazine fyrir upptöku ársins árið 2019; í 87. sæti
...