Áralangri deilu Sorpu og Íslenskra aðalverktaka (ÍAV) í tengslum við útboð á gas- og jarðgerðarstöð á Álfsnesi, Gaja, er nú lokið. Sorpa samþykkti nýlega að greiða ÍAV 26 milljónir króna í vexti en áður hafði Sorpa greitt verktakafyrirtækinu tæpar 89 milljónir króna í skaðabætur. Samtals hefur Sorpa því greitt 115 milljónir króna til ÍAV.
Upphaf málsins var þegar bygging jarðgerðarstöðvarinnar var boðin út. Fjögur tilboð bárust í verkið en ekki var gengið að neinu þeirra sökum þess að þau voru öll 10% hærri en kostnaðaráætlun hljóðaði upp á. Í kjölfarið ákvað Sorpa að hefja samningsferli við þá kaupendur sem uppfylltu fjárhagslegar og tæknilegar kröfur. Þrjú félög tilkynntu þátttöku í samningsferlinu, þar á meðal Ístak, sem fékk verkið, og ÍAV.
Íslenskir aðalverktakar komust þó á snoðir um það að mótbjóðandinn hefði lagt fram frávikstilboð
...