Víkingar eru í talsverðri brekku eftir ósigur á heimavelli gegn Albaníumeisturum Egnatia í 2. umferð undankeppni Sambandsdeildar karla í fótbolta í gærkvöld, 1:0. Þeir þurfa að snúa þessu við í Albaníu næsta fimmtudag til að komast í þriðju…
Víkin Ilir Dabjani í marki Egnatia ver vel frá miðverðinum Oliver Ekroth á upphafsmínútum leiksins í gærkvöld. Besta færi Víkinga í leiknum.
— Ljósmynd/Kristinn Steinn
Víkingur
Víðir Sigurðsson
vs@mbl.is
Víkingar eru í talsverðri brekku eftir ósigur á heimavelli gegn Albaníumeisturum Egnatia í 2. umferð undankeppni Sambandsdeildar karla í fótbolta í gærkvöld, 1:0.
Þeir þurfa að snúa þessu við í Albaníu næsta fimmtudag til að komast í þriðju umferðina og leika sama leik og Valsmenn sem unnu þar glæsilegan sigur á dögunum.
Þetta er fyrsti ósigur Víkinga í átta heimaleikjum í Evrópukeppni en þeir höfðu unnið fimm og gert tvö jafntefli frá því þeir mættu Levadia Tallinn í forkeppninni í lok júní 2022.
Um leið er þetta í fyrsta skipti sem albanskt lið vinnur útisigur gegn íslensku liði í Evrópukeppni, í fimm heimsóknum, og aðeins annar sigurleikur Albana
...