Hringvegurinn milli Eldgjár og Víkur í Mýrdal var opnaður um klukkan 21 í gær eftir að hafa verið lokaður í á annan sólarhring vegna skemmda sem urðu í miklu og skyndilegu jökulhlaupi úr Mýrdalsjökli í ána Skálm austan Mýrdalsjökuls á laugardag
![Biðröð Um 200 bílar biðu eftir að komast leiðar sinnar þegar þjóðvegurinn var opnaður um klukkan 21 í gærkvöldi. Hann hafði verið lokaður á kafla vegna jökulhlaups í Skálm á laugardag.](/myndir/gagnasafn/2024/07/29/0e11e46c-7b2d-4842-be53-09ec03686916.jpg)
Biðröð Um 200 bílar biðu eftir að komast leiðar sinnar þegar þjóðvegurinn var opnaður um klukkan 21 í gærkvöldi. Hann hafði verið lokaður á kafla vegna jökulhlaups í Skálm á laugardag.
— Morgunblaðið/Jónas Erlendsson
Elínborg Una Einarsdóttir
elinborg@mbl.is
Hringvegurinn milli Eldgjár og Víkur í Mýrdal var opnaður um klukkan 21 í gær eftir að hafa verið lokaður í á annan sólarhring vegna skemmda sem urðu í miklu og skyndilegu jökulhlaupi úr Mýrdalsjökli í ána Skálm austan Mýrdalsjökuls á laugardag.
Langar bílaraðir mynduðust við brúna yfir Skálm í gærkvöldi áður en vegurinn var opnaður að nýju en samkvæmt upplýsingum frá Vegagerðinni biðu um 200 bílar þegar loks var hægt að hleypa umferð í gegn.
Miklar skemmdir urðu á um 700 metra kafla á hringveginum við Skálm og verður áfram unnið að viðgerðum þar næstu daga.
„Vegurinn er svo illa farinn og laskaðist mikið á þessum kafla í flóðinu og þess vegna er hann bara einbreiður,“
...