![Reykjanesskagi Um 30 smáskjálftar hafa verið að mælast á sólarhring.](/myndir/gagnasafn/2024/07/29/94df9985-d3ab-44b9-9146-6a2b8d897920.jpg)
Líkur á kvikuhlaupi eða jafnvel eldgosi á næstu tveimur vikum fara enn vaxandi að sögn Einars Hjörleifssonar náttúruvársérfræðings hjá Veðurstofu Íslands. Þá er búið að hækka hættukvarðann fyrir svæði 3, 4 og 6.
Hann segir mikla hættu vera á svæðinu og verið sé að fylgjast grannt með atburðarásinni. Kvikusöfnun og smáskjálftavirkni heldur áfram á svipuðum hraða og áður.
„En í ljósi atburðanna við Mýrdalsjökul er ekki búið að handstaðsetja alla skjálftana sem hafa komið. Það var fyrst farið í að staðsetja alla skjálftana við Mýrdalsjökul og er enn verið að vinna í því að fara yfir alla skjálftana handvirkt.“
Samkvæmt sjálfvirka kerfinu mældust 32 skjálftar á laugardaginn við kvikugang í Grindavík og búið er að yfirfara 12 stærstu atburðina. Frá miðnætti til seinni parts sunnudags mældust 19 skjálftar og hefur skjálftavirknin að undanförnu verið um 30 smáskjálftar á sólarhring.
Að mati Veðurstofunnar eru tvær líklegar sviðsmyndir. Önnur er að
...