Sigtryggur Jónsson
Er mögulegt að draga verulega úr hættu við Svartsengi? Svarið er já. Þorvaldur Þórðarson prófessor og Skúli Ágústsson byggingartæknifræðingur hafa lengi lagt til að beina hraunflæði frá Sundhnúk í norður með varnargarði frá Sýlingarfelli að Arnarsetri. Þar er pláss fyrir fleiri en einn garð ef sá fyrsti fer í kaf. Þetta hefur verið kunnugt stjórnvöldum frá 2020. Það má leiða að því líkur að varnargarður þarna, gerður í byrjun 2024, hefði komið í veg fyrir að hraun rynni í vestur yfir Grindavíkurveg og hitalagnir. Fjármunum til endurgerðar laskaðra innviða hefði verið betur varið í byggingu varnargarðs sem var líklegur til að verja þá tjóni og koma í veg fyrir alvarlegar afleiðingar fyrir Suðurnesin.
Almannavarnir vinna nú að hækkun á garði L1 norður af Svartsengi eftir að hraun flæddi yfir hann örstutt frá orkuveri. Varnargarður
...