Arinbjörn Rögnvaldsson
arir@mbl.is
Forsvarsmaður útboðsþjónustu telur að nýlegar breytingar á lögum um opinber innkaup muni ekki liðka fyrir samkeppni á útboðsmarkaði, þrátt fyrir að Ríkiskaup verði lögð niður og verkefni færð til Fjársýslunnar, né að það muni tryggja að samræmis sé gætt við samskonar reglur annars staðar á Norðurlöndum. Í umsögn útboðsþjónustunnar Consensa við frumvarpið kemur fram að fyrirkomulagið á Íslandi, þrátt fyrir umræddar lagabreytingar, sé ekki í samræmi við þá almennu þróun sem hafi átt sér stað á Norðurlöndunum.
Þá er bent á að opinberar innkaupastofnanir í nágrannalöndum veiti ekki til að mynda sveitarfélögum og opinberum stofnunum útboðsþjónustu í samkeppni við einkaaðila á markaði. Íslensk stjórnvöld hafi hins vegar ákveðið á sínum tíma að ganga lengra með því að skylda nær alla
...