Marvel-ofurhetjumyndin Deadpool & Wolverine fellur vel í kramið vestanhafs. Samkvæmt upplýsingum frá The Hollywood Reporter var nýafstaðin frumsýningarhelgi myndarinnar í Bandaríkjunum sú tekjuhæsta það sem af er ári og áttunda tekjuhæsta…
![Glaðir Ryan Reynolds og Hugh Jackman á Comic Con International.](/myndir/gagnasafn/2024/07/30/3871d495-3cbe-4d61-bfaa-b789d71da128.jpg)
Glaðir Ryan Reynolds og Hugh Jackman á Comic Con International.
— AFP/Chris Delmes
Marvel-ofurhetjumyndin Deadpool & Wolverine fellur vel í kramið vestanhafs. Samkvæmt upplýsingum frá The Hollywood Reporter var nýafstaðin frumsýningarhelgi myndarinnar í Bandaríkjunum sú tekjuhæsta það sem af er ári og áttunda tekjuhæsta frumsýningarhelgin síðan mælingar hófust. Myndin, sem skartar þeim Ryan Reynolds og Hugh Jackman í titilhlutverkunum skilaði þannig 205 milljónum bandaríkjadala í kassann, sem samsvarar um 28 milljörðum íslenskra króna.