Helgi R. Einarsson sendi mér góðan póst í fyrradag þar sem hann segir: Hugurinn er nú í París og ypsílonið er ekki prentvilla:
Lystgjörningur í París:
Í saurgerla keppendur kroppa
og keppnisferilinn toppa
er synda þeir þrí-
þrautinni í
kræsingum franskra koppa.
Og Helgi bætti síðan við: Frönsk matargerðarlist er annars til fyrirmyndar.
Limra eftir Kristján Karlsson:
„Það kvað vera fallegt í Kína,“
sagði konan og lét í það skína.
Hvað hún hét veit nú enginn,
hún er annaðhvort gengin
eða afplánar varfærni sína.
...