Sundmaðurinn Anton Sveinn McKee, einn fremsti íþróttamaður landsins undanfarinn áratug, kvaddi stærsta sviðið í gærkvöld er hann synti í undanúrslitum í 200 metra bringusundi á Ólympíuleikunum í París
Dýfa Anton Sveinn McKee stingur sér til sunds í síðasta skipti á Ólympíuleikum í París í gærkvöld.
— Morgunblaðið/Kristinn Magnússon
Í París
Jóhann Ingi Hafþórsson
johanningi@mbl.is
Sundmaðurinn Anton Sveinn McKee, einn fremsti íþróttamaður landsins undanfarinn áratug, kvaddi stærsta sviðið í gærkvöld er hann synti í undanúrslitum í 200 metra bringusundi á Ólympíuleikunum í París. Var sundið það síðasta á ferlinum hjá Antoni á Ólympíuleikum.
Hann vildi þó ekki staðfesta að sundhettan væri alveg komin á hilluna er hann ræddi við Morgunblaðið eftir sundið, en ljóst er að Anton keppir ekki á fleiri Ólympíuleikum. Leikarnir í París voru hans fjórðu og síðustu leikar.
Anton var nokkuð frá sínum besta tíma í gær en hann endaði í 15. sæti af þeim 16 keppendum sem komust í undanúrslit. Varð hann í áttunda og síðasta sæti í seinni riðlinum á 2:10,42 mínútum.
...