Páll Halldór Halldórsson fæddist á sjúkrahúsinu á Ísafirði en ólst upp í Hnífsdal. „Við erum fjögur systkinin, ég á tvær eldri systur og yngri bróður. Það var hefðbundið heimilishald og mamma var alltaf heima og sá um okkur krakkana og pabbi vann mikið. Það er stundum sagt að það þurfi heilt þorp til að ala upp barn og í Hnífsdal gat maður labbað inn í öll hús og fengið að borða, enginn var að spá í hver ætti hvern.“
Páll segir að lífið fyrir vestan hafi mótað persónuleika hans mikið. „Ég fékk strax traust til þess að prófa mig áfram í frjálsræðinu fyrir vestan. Maður fær að verða snemma fullorðinn, sérstaklega á þessum árum og vissulega man ég eftir skugga sjóslysa sem voru algeng þegar ég var krakki. En sem betur fer er það ekki lengur.“
Páll fór ungur að vinna á sumrin. „Já, maður var í rækjuverksmiðjunni fyrir
...