![Kólnun Íslandsbanki spáir því að kólnunin verði þó ekki fram úr hófi.](/myndir/gagnasafn/2024/08/02/84b8c4d6-7747-495d-84a5-a0d2b5eaf4b6.jpg)
Vísbendingum um kólnun hagkerfisins hefur fjölgað nokkuð það sem af er sumri.
Þetta kemur fram í nýrri greiningu frá Íslandsbanka. Þar segir að kólnunin sem um ræðir sé af tvennum toga. Í fyrsta lagi hefur útflutningur þjónustu og vöru minni meðbyr en ætla mátti fyrr á árinu og horfur um útflutingsvöxt þetta árið hafa versnað. Í öðru lagi hafa hagvísar og væntingakannanir sem birst hafa á undanförnum vikum vísað eindregnar til hjaðnandi eftirspurnar innanlands en áður.
Fjallað hefur verið um að slegið hafi nokkuð í bakseglin í ferðaþjónustu og samdráttur milli ára virðist vera líklegri en vöxtur. Í vöruútflutningi liggur fyrir að orkuskerðing til álvera og loðnubrestur hafi neikvæð áhrif á fyrri helmingi ársins. Í greiningu bankans segir að líklega muni útflutningur vöru og þjónustu dragast hóflega saman í ár frá fyrra ári, en í maí spáði greiningardeildin 0,4% vexti milli ára.
Til viðbótar sýna tölurnar að það hægir heldur á kortaveltuvexti og
...