Þá er forsetatíð Guðna Th. Jóhannessonar lokið. Hann var sjálfum sér líkur, eins og Bjarni Jónsson bendir á, þegar hann hélt síðustu veisluna með fólkinu sem unnið hefur baki brotnu við að bjarga málum í Grindavík, m.a. við varnargarðana. Bjarni kastar fram:
Til Bessastaða bauð til sín
bljúgur Guðni öllum.
Lokaveislan látlaus fín
með ljúfum gröfuköllum.
Gunnar J. Straumland er á dróttkvæðum nótum í þakkarbrag til forsetans:
Forseti æ farsæll
fræðamaður glæðir
orðin visku arði
ómi þjóðarsóma.
Glettnina í glittir
gæðahöldur ræðir
gildi auðnugaldurs
gleði lífsins
...