![Meyvant Þórólfsson](/myndir/gagnasafn/2024/08/06/851f55a1-553b-4ba0-95ed-f54e48198576.jpg)
Meyvant Þórólfsson
Hólmfríður María og ritstjórn Morgunblaðsins eiga þakkir skildar fyrir vandaða umfjöllun undanfarið um raunir íslenska skólakerfisins. Brennipunktur þeirrar umræðu hefur verið spurningin um mælanleg markmið og samræmt mat á námsárangri eða ekki.
Hrakfarir íslensks skólakerfis eiga sér að vísu margþættar rætur og umræðan aldrei laus við ógöngurök á borð við þau sem greina mátti í tali formanns Skólastjórafélags Íslands á Sprengisandi 28. júlí síðastliðinn. Formaðurinn klifaði á því að við þyrftum að treysta sérfræðingum skólanna í einu og öllu; þeir væru best til þess fallnir að leggja mat á námslega stöðu og árangur nemenda. Í lok þáttar benti hann hins vegar á að illa tækist að manna skóla með menntuðu starfsfólki og það ástand færi versnandi. Með öðrum orðum: Hlutfall ófagmenntaðra starfsmanna skóla fer vaxandi á sama tíma og
...