Sigurður Bogi Sævarsson
sbs@mbl.is
Fullveldi og aðskilnaður frá danska konungsríkinu var meginstef íslenskra stjórnmála á fyrstu áratugum 20. aldarinnar. Verkgeta og tækniþekking var í mikilli sókn á þessum tíma og því mörg framfaramál í deiglu og unnið að mikilvægum framkvæmdum. Öldur iðnbyltingar höfðu borist til Íslands og samfélagið var í hraðri þróun. Mörgum þótti hins vegar sem svo að báðar hendur væru bundnar nema landið væri sjálfstætt. Mikilsverður áfangi í því sambandi náðist 1. desember 1918 þegar Ísland varð frjálst og fullvalda ríki.
Einmitt á þeim tíma var við völd fyrsta ráðuneyti Jóns Magnússonar sem tók við völdum í ársbyrjun 1917. Þetta var ríkisstjórn skipuð Heimastjórnarflokknum og Sjálfstæðisflokki þversum, sem svo var kallaður vegna klofnings um leiðir í sjálfstæðisbaráttunni.
...