Sólveig Benedikta Jónsdóttir fæddist 7. nóvember 1930 á bænum Vaðstakksheiði utan Ennis við rætur Snæfellsjökuls. Hún lést á hjúkrunarheimilinu Sóltúni í Reykjavík 1. ágúst 2024.
Foreldrar hennar voru Helga Káradóttir og Jón Sigurjónsson, bændur á Vaðstakksheiði utan Ennis og Ási í Melasveit. Síðast til heimilis í Reykjavík. Systkini Sólveigar eru Sveinlaug Lilja, f. 1925, Esther, f. 1926, Þórdís, f. 1929, Gylfi, f. 1932, Elísa, f. 1935, Sigurjón, f. 1939, og Kári, f. 1939. Þórdís lifir systkini sín.
Sólveig gekk í Barnaskólann á Hellissandi. Seinna fór hún í Húsmæðraskólann á Staðarfelli í Dölum.
Sólveig giftist 16. júní 1951 Pétri Friðriki Sigurðssyni listmálara, f. 1928, d. 2002. Þeirra börn eru: 1) Pétur Friðrik, f. 1950, fyrrverandi maki Guðbjörg Sigurz. Þeirra börn eru: a) Sigurður
...