Aurbjörg hefur þróað nýja vöru, lánskjaravakt þar sem áskrifendur geta látið vakta húsnæðislánamarkaðinn fyrir sig með það að markmiði að geta endurfjármagnað húsnæðislán sín á betri kjörum. Ásdís Arna Gottskálksdóttir framkvæmdastjóri Aurbjargar…
Fjártækni Aurbjörg hefur byggt upp fjártæknilausn sem eflir fjármálalæsi og einfaldar fjármál einstaklinga.
— Morgublaðið/Aðsend
Magdalena Anna Torfadóttir
magdalena@mbl.is
Aurbjörg hefur þróað nýja vöru, lánskjaravakt þar sem áskrifendur geta látið vakta húsnæðislánamarkaðinn fyrir sig með það að markmiði að geta endurfjármagnað húsnæðislán sín á betri kjörum.
Ásdís Arna Gottskálksdóttir framkvæmdastjóri Aurbjargar segir í samtali við Morgunblaðið að fyrirtækið vilji hjálpa fólki að finna tækifæri í fjármálum heimilsins.
„Við stefnum á að verða ómissandi hluti af fjármálum heimila. Fjármálaheilsa heimila er lýðheilsumál fyrir íslenskt samfélag. Aurbjörg er ekki að taka ákvarðanir fyrir fólk heldur auðvelda aðgengi að skýrum upplýsingum. Við sjáum fram á að festa okkur í sessi sem fjármálastjóri heimilanna,“ segir Ásdís spurð nánar um lausnina.
...