![Vín „Swift-ínur“ komu saman í Kärchnerstrasse í miðborg Vínar og reyndu að halda gleðinni þrátt fyrir vonbrigðin vegna frestunar tónleikanna.](/myndir/gagnasafn/2024/08/09/02c5d6ae-e2fe-4a0d-a2a9-90a1b8cdd9bf.jpg)
Stefán Gunnar Sveinsson
sgs@mbl.is
Austurríska leyniþjónustan greindi frá því í gær að 19 ára öfgamaður og stuðningsmaður hryðjuverkasamtakanna Ríkis íslams hefði lagt á ráðin um sjálfsvígsárás á tónleika, sem bandaríska tónlistarkonan Taylor Swift ætlaði að halda í Vínarborg.
Maðurinn var handtekinn ásamt tveimur meintum samverkamönnum sínum, sem báðir eru á táningsaldri, á miðvikudaginn áður en þeir gátu framið hin fyrirhuguðu voðaverk. Skipuleggjendur tónleikaferðar Swift ákváðu engu að síður að fresta þrennum tónleikum hennar, sem áttu að fara fram í gærkvöldi, í kvöld og annað kvöld.
Omar Haijawi-Pirchner, yfirmaður innanríkisleyniþjónustu Austurríkis, DSN, sagði að hinn nítján ára höfuðpaur hefði játað við yfirheyrslur að hann ætlaði að ráðast á tónleikana og ætlaði þar
...