Sambíóin og Smárabíó Trap / Gildra ★★★½· Leikstjórn: M. Night Shyamalan. Handrit: M. Night Shyamalan. Aðalleikarar: Josh Hartnett, Ariel Donoghue, Saleka Shyamalan og Alison Pill. Bretland, Yemen og Bandaríkin, 2024. 95 mín.
Gildra Josh Hartnett fer með aðalhlutverkið í myndinni Trap.
Kvikmyndir
Jóna Gréta
Hilmarsdóttir
Leikstjórinn M. Night Shyamalan er þekktastur fyrir kvikmyndina Sjötta skilningarvitið (The Sixth Sense, 1999) enda hefur sú mynd orðið eins konar klassík í hryllingsmyndagreininni. Nýjasta mynd Shyamalan, Gildra, er hins vegar eins konar blanda af hryllings- og hasarmynd. Fyrri helmingur myndarinnar gerist allur á tónleikum. Feðginin Cooper (Josh Hartnett) og Riley (Ariel Donoghue) fara saman á tónleika hjá poppstjörnunni Lady Raven (Saleka Shyamalan) en Riley er mikill aðdáandi. Cooper tekur eftir því að öryggisgæslan á tónleikunum er óvenjumikil sem veldur honum sýnilega áhyggjum.
Áhorfendur sem hafa séð stikluna (e. trailer) vita nú þegar af hverju þetta veldur Cooper áhyggjum (og
...