Þorvaldur Árnason, framkvæmdastjóri Samfilm, dreifingarhluta Sambíóanna, segir sumarið hafa gengið vel hjá fyrirtækinu í samtali við Morgunblaðið. „Auðvitað hjálpar það okkar bransa þegar það kemur löng tíð af leiðindaveðri og fólk er í fríi,…
Kvikmynd Margar góðar myndir eru væntanlegar það sem eftir lifir árs, segir framkvæmdastjóri Samfilm.
— Morgunblaðið/Guðmundur Rúnar
Kári Freyr Kristinsson
karifreyr@mbl.is
Þorvaldur Árnason, framkvæmdastjóri Samfilm, dreifingarhluta Sambíóanna, segir sumarið hafa gengið vel hjá fyrirtækinu í samtali við Morgunblaðið.
„Auðvitað hjálpar það okkar bransa þegar það kemur löng tíð af leiðindaveðri og fólk er í fríi, leikskólar eru lokaðir og það þarf að finna eitthvað að gera fyrir krakkana,“ segir Þorvaldur.
Hann segir að árið í heild slái síðasta ári ekki við, en þrátt fyrir það sé sumarið í ár betra en það síðasta. Þannig hafi júnímánuður verið einn sá stærsti í sögu Sambíóanna. Spurður nánar um það segir Þorvaldur skýringuna vera veðrið sem hefur leikið landsmenn grátt í sumar og myndirnar sem hafa verið í boði.