Þýska karlalandsliðið í handknattleik, sem Alfreð Gíslason þjálfar, leikur til úrslita gegn Danmörku á Ólympíuleikunum í París á morgun eftir frækinn sigur á Spáni, 25:24, í undanúrslitum í gær. Danmörk lagði Slóveníu að velli, 31:30, í hinum undanúrslitaleiknum í gærkvöldi.
Alfreð hefur þjálfað Þýskaland frá árinu 2020 og er þetta fyrsti úrslitaleikurinn sem liðið kemst í á stórmóti undir hans stjórn.
Ísland á því fulltrúa í úrslitaleikjum bæði karla og kvenna en kvennalið Noregs, sem Þórir Hergeirsson þjálfar, leikur til úrslita gegn gestgjöfum Frakklands í dag. Þórir hefur áður stýrt liði Noregs til ólympíugulls, á leikunum í Lundúnum árið 2012.
Báðir munu þeir stýra liðum sínum til verðlauna á Ólympíuleikunum en fá þó ekki verðlaunapening sjálfir eins
...