Stefán Gunnar Sveinsson
sgs@mbl.is
Úkraínuher hélt áfram sóknaraðgerðum sínum í Kúrsk-héraði Rússlands í gær, fjórða daginn í röð. Rússar hafa sent enn frekara varalið til þess að verja innrás Úkraínumanna í héraðið og eru harðir bardagar sagðir geisa í héraðinu. Hefur almannavarnaráðuneyti Rússlands lýst yfir neyðarástandi í héraðinu.
Rússneska varnarmálaráðuneytið sagði m.a. í gær að Úkraínumenn væru nú í útjörðum þorpsins Súdzha og þá voru bardagar einnig sagðir fara fram nokkrum kílómetrum sunnan við bæinn Kúrtsjatov, en þar er Kúrsk-kjarnorkuverið staðsett.
Úkraínumenn gerðu einnig í fyrrinótt stóra loftárás á Lípetsk-herflugvöllinn, sem er um 280 kílómetra frá landamærum Rússlands og Úkraínu. Sagði í tilkynningu Úkraínuhers að hann hefði m.a. ráðist á vöruhús þar
...