![Landsliðsmaður Alfons Sampsted er orðinn leikmaður Birmingham.](/myndir/gagnasafn/2024/08/13/03ad614b-6ca6-4e6b-86e5-5777ad4dbfb8.jpg)
Landsliðsmaður Alfons Sampsted er orðinn leikmaður Birmingham.
— Ljósmynd/Birmingham
Alfons Sampsted, landsliðsmaður í knattspyrnu, er genginn til liðs við Birmingham á eins árs lánssamningi með möguleika á kaupsamningi eftir tímabilið. Alfons kemur til Birmingham, sem leikur í ensku C-deildinni, frá Twente í Hollandi en þar hefur hann verið í eitt og hálft ár. Áður gerði Alfons garðinn frægan með Bodö/Glimt í Noregi. Alfons verður samherji Willums Þórs Willumssonar hjá Birmingham en saman ólust þeir upp hjá Breiðabliki.