„Ég ætla að fara í skó … nýja skó sem hægt er að dansa á. Það er ekki hægt að dansa á þessum skóm,“ sagði Stórval aðspurður hverju hann ætlaði að klæðast við opnun sýningar sinnar í Vopnafirði árið 1994 og sýnt er frá í heimildarmynd Egils Eðvarðssonar, Stórval
Bakgarðurinn „Árið 1990 vorum við Einar Falur Ingólfsson báðir að vinna sem ljósmyndarar á Morgunblaðinu. Það ár keypti ég mitt fyrsta málverk af Stórval. Einar Falur tók myndina af okkur í bakgarði heimilis hans og vinnustofu,“ segir Börkur Arnarson eigandi i8 gallerís við Tryggvagötu en sýningin Fjallið innra stendur til 5. október.
— Ljósmynd/Einar Falur Ingólfsson
Myndlist
María Margrét Jóhannsdóttir
mariamargret@mbl.is
„Ég ætla að fara í skó … nýja skó sem hægt er að dansa á. Það er ekki hægt að dansa á þessum skóm,“ sagði Stórval aðspurður hverju hann ætlaði að klæðast við opnun sýningar sinnar í Vopnafirði árið 1994 og sýnt er frá í heimildarmynd Egils Eðvarðssonar, Stórval. Í dag verður opnuð sýning á verkum Stórvals í i8 galleríi, Fjallið innra, og ekki er ólíklegt að Stórval færi í nýja skó við tilefnið væri hann enn með okkur.
Til marks um inngildingu
Skiptar skoðanir voru um ágæti verka Stórvals á meðan hann lifði og ekki öllum sem hugnaðist að hafa verkin hans uppi á vegg, hvað þá í stofunni líkt og nú tíðkast. Sé grúskað í Sarpi má sjá að ekki einu
...