Stefán Gunnar Sveinsson
sgs@mbl.is
Volodimír Selenskí Úkraínuforseti hrósaði í gær úkraínska hernum fyrir að hafa náð að mynda „verndarsvæði“ (e. buffer zone) í Kúrsk-héraði, sem myndi koma í veg fyrir daglega stórskotahríð Rússa á landamærahéruð Úkraínu. Þá tilkynnti Selenskí að bærinn Súdzha væri nú að fullu á valdi Úkraínuhers.
Tíu dagar eru nú liðnir frá því að Úkraínumenn hófu sóknaraðgerðir sínar í Kúrsk-héraði, af myndskeiðum sem birtust í gær má ráða að Úkraínuher sé m.a. að nota bandaríska bryndreka í aðgerðum sínum, sem og breska Challenger 2-orrustuskriðdrekann.
Breska varnarmálaráðuneytið sendi frá sér yfirlýsingu í gær til að árétta að Úkraínumenn hefðu heimildir samkvæmt stofnsáttmála Sameinuðu þjóðanna til þess að verja sig gegn hinni ólöglegu
...