Í fyrsta skipti í marga áratugi er íbúafjöldinn farinn að aukast á Vestfjörðum. Það gerðist fyrst í kringum 2022 og í hverju manntali Hagstofu síðan þá hefur íbúum fjölgað og eru íbúar í Ísafjarðarbæ til dæmis í fyrsta sinn í marga áratugi komnir yfir fjögur þúsund.
Hnífsdælingurinn Sigríður Ó. Kristjánsdóttir er framkvæmdastjóri Vestfjarðastofu og tekur á móti blaðamönnum í starfsstöðvum Vestfjarðastofu á Ísafirði. Helstu verkefni Vestfjarðastofu að undanförnu hafa verið að móta nýja sóknaráætlun fyrir svæðið og hluti af því voru opnir fundir með íbúum.
Hvað vilja Vestfirðingar sjá í framtíðinni?
„Vestfirðingar vilja lífsgæði. Það sem við höfum kallað eftir í nokkuð mörg ár er í raun jafnræði og að svæðið sé samkeppnishæft við önnur svæði. Þannig að
...