Vilhjálmur S. Vilhjálmsson skráði minningarþætti Páls Guðmundssonar á Hjálmsstöðum í Laugardal (1873-1958). Bókin heitir Tak hnakk þinn og hest og kom út 1954. Páll var landskunnur hagyrðingur og endurminningar hans eru um margt áhugaverð lesning
![Orðaröð „Setningin <strong><em>Hún hitti frænku sína í Gleðigöngunni á laugardaginn</em></strong> stendur fyrir sínu.“ Einnig: „<strong><em>Í Gleðigöngunni á laugardaginn hitti hún frænku sína</em></strong>.“](/myndir/gagnasafn/2024/08/17/831b5cca-d1ff-4eed-86fa-24ab5eca9d75.jpg)
Orðaröð „Setningin Hún hitti frænku sína í Gleðigöngunni á laugardaginn stendur fyrir sínu.“ Einnig: „Í Gleðigöngunni á laugardaginn hitti hún frænku sína.“
— Morgunblaðið/Óttar Geirsson
Tungutak
Ari Páll Kristinsson
ari.pall.kristinsson@arnastofnun.is
Vilhjálmur S. Vilhjálmsson skráði minningarþætti Páls Guðmundssonar á Hjálmsstöðum í Laugardal (1873-1958). Bókin heitir Tak hnakk þinn og hest og kom út 1954. Páll var landskunnur hagyrðingur og endurminningar hans eru um margt áhugaverð lesning. Óhætt er að segja að tungutakið sé á köflum kjarnmikið. Frásagnarstíllinn geymir ýmis hefðbundin einkenni, svo sem að skipta milli óbeinnar og beinnar ræðu: „Allt í einu sagði Einar eins og vant var: „Jæja, Páll, nú skal yrkja.“ Ég svaraði því játandi, en spurði svo: „En um hvað eigum við að yrkja?“ En Einar vissi það ekki, enda var farið að minnka á flöskunni og ekkert fram undan. „Við yrkjum bara
...