![](/myndir/gagnasafn/2024/08/17/cf00ac08-bc17-49bc-9c11-276034313007.jpg)
Fyrirtæki læknisins Hákonar Hákonarsonar, Arctic Therapeutics, hefur nú fengið leyfi Lyfjastofnunar Evrópu og Lyfjastofnunar Íslands til að framkvæma rannsókn á lyfjameðferð við arfgengri heilablæðingu, genasjúkdómi sem finnst aðeins í örfáum íslenskum fjölskyldum. Hákon, sem er sérfræðingur í lungna- og erfðarannsóknum, segir vonir standa til að stöðva framgang sjúkdómsins og koma í veg fyrir ótímabæran dauða. Hann segir spennandi tíma fram undan, en lyfið sem fyrirtæki hans er að þróa gæti einnig læknað aðra heilabilunarsjúkdóma á borð við Alzheimer og Parkisons.
Byrjar daginn snemma í Ameríku
Klukkan var aðeins sjö árdegis í Bandaríkjunum þegar blaðamaður sló á þráðinn yfir hafið, en Hákon býr í Fíladelfíu þar sem hann starfar á CHOP, Children's Hospital of Philadelphia. Hákon var þó síður en svo nývaknaður enda þarf hann ekki nema fjögurra
...