Vicente Valor og Sverrir Páll Hjaltested voru á skotskónum fyrir ÍBV þegar liðið hafði betur gegn Gróttu, 2:1, í Vestmannaeyjum í 18. umferð 1. deildar karla í knattspyrnu í gær. Pétur Theodór Árnason minnkaði muninn fyrir Gróttu á 67. mínútu en lengra komust Seltirningar ekki og ÍBV tyllti sér á toppinn í deildinni.
Fjölnir, sem var í efsta sæti deildarinnar fyrir 19. umferðina gerði 1:1-jafntefli við Þór á Akureyri. Birkir Heimisson kom Þórsurum yfir á 37. mínútu en hann fékk svo að líta rauða spjaldið undir lok fyrri hálfleiks. Fjölnismenn nýtt sér liðsmuninn og Rafael Máni Þrastarson jafnaði metin strax í upphafi síðari hálfleiks.
Keflvíkingar styrktu stöðu sína í þriðja sæti deildarinnar með 3:1-sigri gegn Dalvík/Reyni í Keflavík. Michael Mladen gerði sér lítið fyrir og skoraði tvívegis
...