![Hetja Myers í hlutverki hinnar hugrökku Pip.](/myndir/gagnasafn/2024/08/20/52d09ca1-be04-4871-8b30-75f810d6d81e.jpg)
Anna Rún Frímannsdóttir
Þættirnir A Good Girl's Guide to Murder voru nýlega frumsýndir á streymisveitunni Netflix en um er að ræða sex þátta seríu byggða á samnefndri metsölubók Holly Jackson. Þar segir frá hinni ungu og hugrökku Pip Fitz-Amobi, Pippu, leikin af Emmu Myers, sem ákveður dag einn að rannsaka fimm ára gamalt morðmál á 17 ára gamalli stúlku, Andie Bell, sem var myrt í heimabæ Pippu á Englandi. Pippa er þess fullviss að lögreglan hafi handsamað rangan mann á sínum tíma og leggur því allt í sölurnar svo sannleikurinn líti loks dagsins ljós. Athygli hefur vakið að hin 22 ára gamla Myers, sem fædd er í Bandaríkjunum og þekktust fyrir hlutverk sitt sem Enid Sinclair í þáttunum Wednesday, lagði það á sig að læra breskan hreim fyrir hlutverkið á einungis tveimur vikum.
...