Dómsmálaráðuneytið og félags- og vinnumarkaðsráðuneytið hafa styrkt samtökin Bjarkarhlíð, miðstöð fyrir þolendur ofbeldis, um 28 milljónir króna. Styrkurinn er ætlaður verkefnum tengdum mansali. Kynntu Guðrún Hafsteinsdóttir dómsmálaráðherra og Guðmundur Ingi Guðbrandsson, félags- og vinnumarkaðsráðherra, stuðninginn á blaðamannafundi í Bjarkarhlíð í gær.
Styrkurinn er tilkominn vegna aukinna verkefna Bjarkarhlíðar og aukinnar áherslu stjórnvalda á aðgerðir gegn mansali. Í tilkynningu segir að með samkomulagi við félags- og vinnumarkaðsráðuneytið hafi samtökunum verið falin umsjón með framkvæmdateymi um mansalsmál.
Með styrknum getur Bjarkarhlíð ráðið starfsmann í fullt stöðugildi í tvö ár til þess að sinna verkefnum tengdum mansali. Félags- og vinnumarkaðsráðuneytið leggur til 18 milljónir króna í styrkinn og dómsmálaráðuneytið 10
...