30 ára Villi, eins og hann er alltaf kallaður, ólst upp á Akureyri til tíu ára aldurs en síðan í Fossvogi í Reykjavík. Hann býr núna Kópavogsmegin í Fossvoginum. Hann er með BSc í viðskiptafræði úr Háskólanum í Reykjavík og MCF í fjármálum fyrirtækja, einnig úr HR. Hann er fjármálastjóri hjá uppsteypufyrirtækinu GR verk. Áhugamálin eru fótbolti, en Villi er mikill Víkingsmaður, og hann spilar mikið golf.
Fjölskylda Maki Villa er Stefanía Gunnarsdóttir, f. 1992, vinnur að markaðsmálum í Kviku banka. Dóttir þeirra er Bergdís María, f. 2024. Foreldrar Villa eru hjónin Kristín María Kjartansdóttir, f. 1961, og Ingólfur Hauksson, f. 1960. Þau eru búsett í Kópavogi.