![Bjarkey Olsen Gunnarsdóttir](/myndir/gagnasafn/2024/08/22/a5121483-c2c5-498c-936e-2365ea0051c5.jpg)
Bjarkey Olsen Gunnarsdóttir
Við lifum á tímum þar sem aðgerðir gegn hruni vistkerfa og hamfarahlýnun eru orðnar nauðsyn. Aðgerðir vegna þessa verða meira aðkallandi dag frá degi. Liður í þeim aðgerðum er að koma á styrkari verndun hafsvæða innan íslenskrar lögsögu.
Um nokkurt skeið hefur starfshópur á vegum matvælaráðuneytisins unnið að framtíðarsýn um verndun hafsvæða og hefur lokaskýrslu verkefnisins verið skilað til mín. Markmiðið er skýrt: Að vernda 30% hafsvæða innan efnahagslögsögu Íslands fyrir árið 2030, í samræmi við samning Sameinuðu þjóðanna um líffræðilega fjölbreytni.
Skýrslan sýnir fram á nauðsyn þess að stíga skref í átt að heildstæðri stefnu fyrir hafsvæðin við Ísland og tryggja að þau njóti viðeigandi verndar. Kortlagning svæða með hátt verndargildi og skipulögð rannsóknarvinna á þeim svæðum
...