1987 „Þetta er fallegasta flugstöð sem ég hef komið í og ég hef farið nokkuð víða.“ Vigdís Finnbogadóttir
![Ný flugstöð Á baksíðu Morgunblaðsins 15. apríl var stór mynd og frétt um vígslu Flugstöðvar Leifs Eiríkssonar.](/myndir/gagnasafn/2024/08/22/c7af881f-e3e2-4fb9-b07b-1eb2b4552eb3.jpg)
Ný flugstöð Á baksíðu Morgunblaðsins 15. apríl var stór mynd og frétt um vígslu Flugstöðvar Leifs Eiríkssonar.
Sviðsljós
Guðm. Sv. Hermannsson
gummi@mbl.is
Það var mikið um dýrðir 14. apríl árið 1987 þegar Flugstöð Leifs Eiríkssonar á Keflavíkurflugvelli var tekin formlega í notkun. Vigdís Finnbogadóttir vígði flugstöðina um kvöldið og gaf henni nafn Leifs Eiríkssonar að viðstöddum um 3 þúsund gestum.
Morgunblaðið fjallaði ýtarlega um Flugstöð Leifs Eiríkssonar á þessum tíma. Þann 12. apríl gaf Morgunblaðið út sérstakt aukablað um flugstöðina, aðdraganda þess að ákveðið var að hefjast handa við verkið og framkvæmdina. Fjallað var um vígsluathöfnina á baksíðu Morgunblaðsins og þremur opnum inni í blaðinu 15. apríl þar sem m.a. eru birtar allar ræður sem fluttar voru við opnunarhátíðina og daginn eftir, 16. apríl, var einnig
...