Jákvæðari tímar fram undan

Ásdís Kristjánsdóttir bæjarstjóri Kópavogs segir að jákvæðari tímar séu nú fram undan fyrir samgöngukerfi höfuðborgarsvæðisins og að Kópavogsbúar geti vel unað við hinn uppfærða sáttmála.

Ásdís segir að hún hefði viljað að kostnaðurinn hefði ekki aukist jafnmikið og raun ber vitni, en að þetta sé einfaldlega staðan. Það þurfi að bregðast við umferðarvandanum sem blasi við.