![Þórsmörk Meta á kosti þess að stofna þjóðgarð í Þórsmörk.](/myndir/gagnasafn/2024/08/22/9bfc51fa-56a5-4664-84e1-6af03049d3a7.jpg)
Guðlaugur Þór Þórðarson, umhverfis-, orku- og loftslagsráðherra, hefur skipað starfshóp til að undirbúa og meta kosti þessi að stofna þjóðgarð í Þórsmörk og nágrenni.
Í starfshópnum eru Drífa Hjartardóttir sem er formaður, Anton Kári Halldórsson og Rafn Bergsson. Með hópnum mun starfa sérfræðingur frá umhverfis-, orku- og loftslagsráðuneyti. Er starfshópnum, sem á að skila tillögum fyrir 15. nóvember, falið að hafa samráð við forsætisráðuneytið vegna þjóðlendumála, viðkomandi sveitarfélög, Land- og skóg og aðra hagsmunaaðila.
Fram kemur í tilkynningu frá ráðuneytinu, að vinnan sé sett af stað að beiðni Rangárþings eystra en ráðherra átti fund með fulltrúum sveitarfélagsins í upphafi árs þar sem var farið yfir sýn sveitarfélagsins og helstu hagsmunamál svæðisins.
Á fundinum kom fram það sjónarmið heimafólks
...