Myndlist
María Margrét Jóhannsdóttir
Fortíðarþráin er allt um lykjandi á Kjarvalsstöðum um þessar mundir. Íslensku stofumálverkin sem ömmur okkar og afar skreyttu veggi sína með í árafjöld fá nú kærkomna upphefð í Vestursal listasafnsins undir yfirheitinu Átthagamálverkið. Um er að ræða verk sem sýna íslensk kennileiti en fanga á sama tíma löngu horfinn heim. Heim sem hefur í gegnum tíðina tekið svo örum breytingum í takt við efnahagsþróun og lífsgæðakapphlaup að fátt eimir eftir af því einfalda lífi sem áður þekktist. Í kynningartexta listasafnsins segir að hér sé gerð tilraun til þess að „hægja á þessari framrás, stöðva tímann, fanga eitthvað áður en það verður um seinan“. Sýningin snýst því um meira en bara að veita kennslustund í landafræði með því að draga fram fallegar landslagsmyndir héðan
...