![Fjölskyldan Á ferðalagi á Nýja-Sjálandi – frá vinstri: Ingimar, Guðrún, Helena, Stefanía, Nína og Lukasz.](/myndir/gagnasafn/2024/08/23/00ec9e92-3926-4400-8b75-1f282cbfb5af.jpg)
Ingimar Ingason fæddist á æskuheimili sínu í Borgarnesi 23. ágúst 1964 og er þriðji í röð fjögurra systkina. „Ég ólst upp í Borganesi við mikið frelsi þar sem klettaborgir og fjörur voru endalaus uppspretta ævintýra, auk þess sem fótbolti og aðrir útileikir voru fyrirferðarmiklir á uppvaxtarárunum.
Ég byrjaði snemma að vinna, m.a. við að bera út reikninga fyrir Kaupfélag Borgfirðinga og selja rósir fyrir Kvenfélagið, en níu ára var ég svo sendur í sveit til heiðurshjónanna Guðmundar Jónssonar og Margrétar Júlíusdóttur á Bjarnastöðum í Hvítársíðu, þar sem ég dvaldi á hverju sumri næstu fjögur árin. Eftir það vann ég hjá Guðmundi föðurbróður mínum á Essó-stöðinni í Borgarnesi (nú N1) næstu níu sumur, ef frá er talið eitt sumar sem ég dvaldi í Englandi og flakkaði um meginland Evrópu á Interrail.“
Að loknu stúdentsprófi frá Menntaskólanum
...