![Bruni Allt tiltækt lið Brunavarna Árnessýslu var kallað út vegna brunans.](/myndir/gagnasafn/2024/08/23/4f2d929f-9b84-4441-ae6f-d39961600a33.jpg)
Allt tiltækt lið Brunavarna Árnessýslu (BÁ) frá Selfossi og Þorlákshöfn var kallað til upp úr klukkan fimm í gær vegna mikils bruna á tækja- og búnaðarskemmu við Hoftún norðan Stokkseyrar. Þá var dælubíll frá Hveragerði einnig notaður við slökkvistarfið.
Slökkvistarfi lauk um klukkan átta í gærkvöldi en Pétur Pétursson slökkviliðsstjóri BÁ segir að um töluvert tjón sé að ræða og altjón hafi orðið á skemmunni.
„Ég veit ekki út frá hverju kviknar í en húsið verður alelda á mjög skömmum tíma. Það eru heilmikil verðmæti þarna inni sem brenna og eitthvað af bílum og svoleiðis búnaði sem stendur nálægt skemmunni sem brennur líka,“ sagði Pétur í samtali við blaðamann á meðan slökkvistarf stóð enn yfir.
Málinu er lokið af hálfu Brunavarna Árnessýslu en því hefur verið vísað til lögreglunnar á Suðurlandi
...