Spursmál
Stefán E. Stefánsson
ses@mbl.is
„Við erum með nýja stofnun sem var að taka við verkefnunum. Ég hef lagt áherslu á það að keyra þessi verkefni eins hratt áfram og mögulegt er. Frumvarpið gerir ráð fyrir því að þetta samræmda mat hefjist 2025 í íslensku og stærðfræði.“
Þetta segir Ásmundur Einar Daðason, ráðherra mennta- og barnamála, í nýju viðtali á vettvangi Spursmála sem aðgengilegt er á mbl.is. Þar svarar hann fyrir þær breytingar sem hann hefur í hyggju að gera á grunnskólakerfinu en samkvæmt fyrirliggjandi lagafrumvarpi verða samræmd könnunarpróf lögð af og nýr svokallaður matsferill innleiddur í staðinn. Fyrrnefnd próf hafa raunar ekki verið lögð fyrir nemendur síðan 2021 þegar alvarlegir hnökrar komu upp í tölvukerfi því sem prófin byggðust á.
...