Af eldgosi, öli og veðri

Það bar helst til tíðinda í lok vikunnar að það fór að gjósa. Gunnar J. Straumland kastaði fram:

Eftir nokkurt moð og más

og marga kenninguna

rifnaði eins og rennilás

rauf í jarðskorpuna.

Þá Helgi Zimsen:

Iður jarðar æla af krafti

upp úr sprungu,

henda þar frá heljarkjafti

hrauni þungu.

Hafsteinn Reykjalín Jóhannesson yrkir af sama tilefni:

Logar upp úr landi rísa,

leggur reyk í suðurátt.

Skýin