Steinþór Guðbjartsson
steinthor@mbl.is
Gilbert úrsmiður ehf. er eitt þekktasta fyrirtækið á Laugavegi, en úrsmiðurinn Gilbert Ólafur Guðjónsson hefur starfað sem slíkur í 57 ár, Sigurður Björn sonur hans hefur unnið hjá honum í úrsmíðinni síðan 1991 og Gilbert Arnar Sigurðsson bættist í hópinn eftir að hann útskrifaðist frá danska úrsmíðaskólanum ZBC í ársbyrjun. „Það er frábært fyrir mig, gamla karlinn, að hafa tvo ættliði með mér,“ segir Gilbert eldri.
Gilbert Arnar hóf verknám hjá afa sínum 2019. Hann segist hafa kíkt reglulega við á verkstæðinu frá unga aldri og þegar hann byrjaði í Tækniskólanum í Reykjavík hafi hann oft skroppið í heimsókn án þess að tengjast vinnustaðnum frekar sem slíkum. Hann hafi reynt fyrir sér í grafískri hönnun og á tölvubraut en ekki fundið sig á þeim
...