Sigtryggur Sigtryggsson
sisi@mbl.is
Viðgerð er lokið á gangbrautinni yfir Neshaga gegnt Melaskóla. Ljósin í malbikinu eru því farin að lýsa á nýjan leik. Það kemur sér vissulega vel nú þegar tekið er að skyggja og skólarnir teknir til starfa eftir sumarfríið. Börnin ættu að vera öruggari þegar þau ganga yfir Neshagann á leið í og úr skóla.
Gangbrautin sem um ræðir er hluti af tilraunaverkefni með snjallgangbrautir, sem hleypt var af stokkunum árið 2020. Gangbrautin við Melaskóla var útbúin árið 2021 og samanstendur af ljósum í malbiki, staur sem lýsir upp gangbrautina að ofan og umferðarmerki fyrir gangbraut í ljósaskilti. Lýsingin í malbikinu bilaði og hefur verið unnið að lagfæringu hennar að undanförnu.
Tilkynnt var í júlí árið 2020 að til stæði á næstunni að setja upp
...