Sveinn Jóhannsson fæddist 3. febrúar 1954. Hann lést 18. ágúst 2024.
Foreldrar hans eru Guðrún Bjarnadóttir, húsfreyja í Hafnarfirði, f. 15. desember 1923, og Jóhann Sveinsson skipstjóri, f. 27. september 1921, d. 18. júní 2006. Bræður Sveins eru Bjarni Hafsteinn, f. 21.8. 1945, kvæntur Nataporn Noi, Magnús, f. 29.7. 1947, kvæntur Særúnu Garðarsdóttur, og Jóhann, f. 7.9. 1958, kvæntur Elísabetu Ragnarsdóttur.
Sveinn ólst upp hjá fjölskyldu sinni á Mýrargötu 2 í Hafnarfirði, var sendur í sveit á sumrin, gekk í Öldutúnsskóla og síðan Flensborgarskóla og lauk þaðan gagnfræðaprófi. Að gagnfræðaskólanum loknum dvaldi hann í Kaupmannahöfn í einhvern tíma, kom síðan heim og fór í Iðnskólann í Hafnarfirði og í læri hjá meistara sínum Jóni Eyvindi Guðmundssyni í Vélsmiðjunni Kletti. Hann útskrifaðist úr Iðnskólanum með sveinspróf í eldsmíði vorið 1977.
...