„Það er erfið ákvörðun að grípa til þessara aðgerða en því miður nauðsynlegt til þess að aðlaga umfang félagsins að núverandi verkefnum og stuðla að sjálfbærum rekstri,“ segir Gísli Herjólfsson, forstjóri og einn stofnenda Controlant, en fyrirtækið sagði í gær upp 150 starfsmönnum. Uppsagnirnar ná yfir allar deildir og starfsstöðvar í fimm löndum að því er kemur fram í tilkynningu. Í kjölfarið munu 290 manns starfa hjá félaginu, langflestir á Íslandi.
„Controlant leitast stöðugt við að aðlaga starfsemi félagsins að aðstæðum hverju sinni til þess að stuðla að sjálfbærum rekstri til framtíðar. Krefjandi aðstæður á alþjóðamörkuðum og tafir í nýfjárfestingum hafa markað rekstrarumhverfið undanfarin misseri. Controlant þjónustar eftirlitsskyldan iðnað og hefur langt sölu- og innleiðingarferli einnig haft áhrif á verkefnastöðu,“ segir í tilkynningu frá fyrirtækinu. „Í ljósi þessa
...