Stefán Gunnar Sveinsson
sgs@mbl.is
Ísraelsher felldi í gær fimm meinta hryðjuverkamenn á öðrum degi aðgerða sinna á Vesturbakkanum. Sagði herinn í yfirlýsingu að mennirnir fimm hefðu falið sig í mosku í borginni Tulkarem og að þeir hefðu skotið á ísraelska hermenn.
Sagði herinn jafnframt að Mohammed Jabber væri á meðal hinna föllnu, en hann var höfuðpaur hryðjuverkasamtakanna Heilags stríðs í Tulkarem-borg. Mun Jabber hafa lagt á ráðin um ýmis hryðjuverk í gegnum tíðina og sögðu talsmenn hersins að hann hefði haft nokkur áform um árásir á Ísrael á prjónunum þegar hann var felldur.
Ísraelsher sinnti einnig aðgerðum í flóttamannabúðunum í Jenín og heyrðist skothríð þar fyrripart dagsins. Þá hafði herinn handtekið að minnsta kosti 45 Palestínumenn sem grunaðir væru um tengsl
...