Hagnaður Brims og Síldarvinnslunnar dróst verulega saman á milli ára fyrri helmingi þessa árs. Loðnubresturinn á liðnum vetri litar uppgjör beggja sjávarútvegsfyrirtækjanna allverulega eins og sést á árshlutauppgjörum þeirra sem birt voru í gær.
Þannig hefur hagnaður Brims dregist saman um tæpar 24 milljónir evra (um 3,6 ma. kr. á núverandi gengi) og hagnaður Síldarvinnslunnar um tæpar 33,5 milljónir evra (5,1 ma. kr.).
Tekjur Brims námu á fyrri helmingi ársins um 174,2 milljónum evra og hafa dregist saman um 48 milljónir evra á milli ára. Þá námu tekjur Síldarvinnslunnar 141,7 milljónum evra og drógust saman um rúmar 69 milljónir evra á milli ára.
Í uppgjörstilkynningum í gær fjalla þeir Gunnþór B. Ingvason forstjóri Síldarvinnslunnar og Guðmundur Kristjánsson forstjóri Brims báðir
...