Pavel Durov, stofnandi samskiptaforritsins Telegram, var formlega ákærður í fyrrakvöld í París vegna gruns um að miðillinn hafi brotið gegn frönskum lögum varðandi ólöglegt efni á samfélagsmiðlum.
Rannsóknardómari málsins ákvað sömuleiðis að Durov yrði látinn laus gegn tryggingu upp á fimm milljónir evra, eða sem nemur rúmum 764 milljónum íslenskra króna. Durov þarf að fara tvisvar sinnum í viku á franska lögreglustöð og er honum jafnframt óheimilt að yfirgefa franska grund.
Durov og Telegram hafa neitað allri sök í málinu. Lögmaður Durovs, David-Olivier Kaminski, sagði að það væri „fáránlegt“ að segja að Durov hefði átt þátt í nokkru ólöglegu athæfi sem tengdist forritinu og bætti við að Telegram hefði fylgt öllum lögum og reglum Evrópusambandsins um efni á stafrænum
...