![](/myndir/gagnasafn/2024/08/31/ca669206-7c4a-4cc3-93ab-ce4098e8cdf4.jpg)
Tónlistarhjónin Regína Ósk og Svenni Þór hafa gengið í gegnum margt saman en þau hafa verið saman í 18 ár og eiga þrjú börn.
Þau vinna nú saman að útgáfu nýrrar plötu, en þau frumfluttu nýtt ástarlag af plötunni, sem samið er um þau, í Skemmtilegri leiðinni heim á K100 í vikunni.
Lagið heitir Óvænt ferðalag.
Lagið er eftir Vigni Snæ úr Írafár sem vinnur plötuna með hjónunum, en textinn er eftir Einar Laufdal sem er meðal annars þekktur fyrir textann á laginu Ástin er hrein.
Hann samdi, eins og áður sagði, textann um þau Regínu og Svenna og ást þeirra en þau hjónin segjast tengja algjörlega við hann.
Þau Regína og Svenni ræddu um lagið og hvernig það væri að vinna með maka sínum í tónlist í þættinum á K100 en hægt er að hlusta á viðtalið og frumflutning þeirra á laginu Óvænt ferðalag á K100.is. Lagið má finna á helstu streymisveitum.