Nokkuð dró úr kraftinum á nýja eldgosinu á Reykjanesskaga og hraun ógnaði ekki innviðum. Hins vegar sást það vel frá Reykjanesbraut, nýkomnum erlendum ferðamönnum til mikillar upplyftingar
![Nýjasta eldgosið á Reykjanesskaga mallaði með svipuðum hætti og menn eru farnir að venjast af eldsumbrotum þar.](/myndir/gagnasafn/2024/08/31/cb74a54e-d0aa-4ec5-ab41-ba4b065884cf.jpg)
Nýjasta eldgosið á Reykjanesskaga mallaði með svipuðum hætti og menn eru farnir að venjast af eldsumbrotum þar.
— Morgunblaðið/Árni Sæberg
24.8.-30.8.
Andrés Magnússon
andres@mbl.is
Nokkuð dró úr kraftinum á nýja eldgosinu á Reykjanesskaga og hraun ógnaði ekki innviðum. Hins vegar sást það vel frá Reykjanesbraut, nýkomnum erlendum ferðamönnum til mikillar upplyftingar.
Mikil sorg ríkir í Neskaupstað eftir að eldri hjónum var banað þar í fyrri viku, en jafnfram lést ungur maður þaðan eftir voðaskot á öræfum.
Aukin manndráp og alvarleg afbrot, ekki síst í fámennari byggðum úti á landi, eru áhyggjuefni að mati Helga Gunnlaugssonar, prófessors í afbrotafræði, sem telur þau rannsóknarefni.
...